 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вечаровы язьмін –
у зорках,
Белым воблакам –
ля акна.
Беларускіх сяброў суполка
На паўсотні вёсак – адна.
Сын дзячка
ды студэнт-няўдачнік,
Дзьве настаўніцы ды лясьнік
За гарбатай сядзяць гарачай
І чытаюць:
«Што я – мужык...»
Ды – пра Вітаўта, пра Сапегу,
Ды – пра вольнасьць,
ды пра народ...
А па вёсцы гуляе рэха,
Бо на выгане – карагод.
І вясковыя ходзяць пары,
Заўважаюць сьвятло ў акне:
«Во паны
загулялі ў карты!»
«Во гарэлкі кожны ліне!»
«Там – паненкі,
відаць – каханкі.
Як ім замуж пасьля ісьці?»
І сьмяюцца зоркі-заранкі
У блакітным густым лісьці...
Сьціплы поціск рук – разьвітаньне.
«Не сумуй! Беларусь жыве!»
...Прасьпявала вёска да раньня,
Сьмех згубіла ў мокрай траве.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
